| Love Me Do | |
|---|---|
| Please Please Me | |
| The Beatles | 1962ko urriaren 5a |
Love Me Do John Lennon eta Paul McCartneyren abesti goiztiar bat da, McCartneyk egindakoa 1958 eta 1959 artean. Singlea izan zen hasiera batean, Erresuma Batuan, 1962ko urriaren 5ean eta P.S. I Love You abestiak hartu zuen B aldea. 17. postuan geratu zen britainiar zerrendetan.
1982ko bigarren bertsio batek 4. postura iritsi zen.
AEBetan, bigarren bertsioa editatu zen hasieratik eta singlea 1. zenbakia izan zen 1964an.
Konposizioa eta grabazioa
Abestia John Lennonen blueserako armonikarekin hasten zen eta Lennon eta McCartneyren ahotsak sartzen ziren bat-batean. George Harrisonek ere parte hartu zuen harmonia bokalean. Hasiera batean, Lennonek bakarrik abestu behar zuen, baina McCartney ere sartzea erabaki zuten, Lennonek armonika ere jo behar zuelako.
Askotan grabatu beharreko abestia izan zen eta 3 bateria ezberdin izan zituen[1]:
- 1962ko ekainaren 6an grabatu zuten lehen aldiz eta Pete Best izan zen baterian.
- Irailaren 4rako, George Martin ekoizleak ez zuela Besten bateria onartu-eta, Ringo Starrek Besten lekua hartu zuen. Egun berean, Beatles bandak bertsio berria grabatu zuten Ringo Starrekin[2].
- Astebete geroago, irailaren 11n, Beatles banda estudiora itzuli zen Andy White bateriarekin Love Me Do grabatzera, George Martin ez baitzen gustura geratu Starren bateriarekin eta panderoa jotzen jarri zuten une hartan. .
Beatles bandaren lehen siglea baterian Ringo Starr zeraman eta honek lortu zuen 17. postua Record Retailer zerrenda ospetsuan[3]. Andy Whiten bertsioa ez zen Please Please Me albuma editatu arte aterako eta Pete Besten bertsioa, berriz, Anthology 1 bilduman sartu zuten.
Partaideak
1962ko ekainaren 6an grabatutako bertsioan eta Anthology 1 albumean atera zenean:
- John Lennon – Aho-soinu eta ahots nagusia
- Paul McCartney – Baxu elektrikoa eta ahots nagusia
- George Harrison – Gitarra akustikoa
- Pete Best – Bateria
- Ekoizlea: George Martin
1962ko irailaren 4an grabatutako bertsioan eta urte horretako urrian aterako zen singlean joan zenean:
- John Lennon – Aho-soinu eta ahots nagusia
- Paul McCartney – Baxu elektrikoa eta ahots nagusia
- George Harrison – Gitarra akustikoa
- Ringo Starr – Bateria
- Ekoizlea: George Martin
1962ko irailaren 11n grabatutako bertsioan eta Please Please Me albumean argitaratuko zutenean:
- John Lennon – Aho-soinu eta ahots nagusia
- Paul McCartney – Baxu elektrikoa eta ahots nagusia
- George Harrison – Gitarra akustikoa
- Andy White – Bateria
- Ringo Starr – panderoa
- Ekoizlea: Ron Richardsek hartu zuen George Martinen ordea
Erreferentziak
Batxilergo2ko HISTORIA eta ENPRESA 