2017 – ENPRESA – Hautaprobetarako errepasoa

Azken ahaleginak! Animooo!

Ba… horixe dago oraingoz! Asko ikasi, xalaus!

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif

Advertisements

2017 – ENPRESA – 3. ebaluazioa – Dudak I

Iep! Iritsi naiz azkenean! Banoa atodapastillllaaa!

Amets

Egun on!
Esplikau zer dien jesapenak mesedez, 330.orrie

Errepasorako txuletatik kopiatuko dizut erantzuna:

  • Epe luzerako besteren finantziazio-baliabideak
  • Enpresak ematen dituzten kreditu-tituluak: obligazio, bono…
  • Partikularrek edo enpresek eros ditzakete, interes baten truke.
  • Enpresak dirua behar eta mailegua ez zaionean komeni, bonoak jaulki eta partikularrei eskaini diezaieke. Titulu guztiak berdinak dira eta baldintza berdinak dituzte.
  • Ezarritako denbora pasa eta gero, enpresak dirua+interesak itzuliko dizkio, hitzartutako baldintzen arabera.

Garazi

Kaixo Koro,
11.2.3. Efektu-deskontua, factoringa eta conforminga ez ditut ulertzen

Hau ere Errepasorako txuletatik kopiatuko dizut:

Efektu-deskontua

  • Epe laburreko besteren baliabideak.
  • Bezeroen gaineko kreditu eskubide guztiak finantza-erakunde bati utzi eta horrek dirua aurreratuko du. Bankuak interes bat kobratuko du mugaeguna baino lehen ordaintzeagatik eta interes horri deskontu esaten zaio.
  • Bezeroak ez balu ordainduko, bankua ez litzateke erantzule izango eta hasierako kontu honetatik hartuko luke dirua, beste gastu batzuk erantsiz.
  • Balorazioa:
    • Alde onak: Berehalako likidezia, berankortasunari ekidin
    • Alde txarrak: Interes eta komisio  handiak

Factoring

  • Epe laburreko besteren baliabideak.
  • Bezeroen gaineko kreditu eskubide guztiak faktore izeneko enpresa bati saltzea. Ez badago ordainketarik, Faktoreak du erantzukizuna.
  • Balorazioa:
    • Alde onak: Berehalako likidezia, ordaindu ezaren arriskuari ekidin, berankortasunari ekidin
    • Alde txarrak: Interes eta komisio  handiak

Confirming

  • Epe laburreko besteren baliabidea.
  • Kreditu-erakundeek enpresei eta hornitzaile nazionalei egin beharreko ordainketak kudeatzeko eskaintzen dieten finantza-zerbitzua.
  • Fakturak muga-eguna baino lehenago kobratzeko aukera ematen dio hartzekodunari.
  • Funtzionamendua:
    • A enpresak zerbait erosi dio C hornitzaileari.
    • A enpresak ordaindu beharreko fakturak ematen dizkio B kreditu erakunde bati.
    • B-k ordainduko ditu fakturak muga-eguna iristen denean A-ren kontutik dirua ateraz eta komisioa kobratuz.
    • B bankuak jakinarazpena bidaliko dio C hornitzaileari, noiz kobratuko duen esanez eta aurreratzeko aukera eskainiz. Aukera hau erabiliko balu, komisioa kobratuko dio.
  • Balorazioa:
    • Alde ona: administrazio gastu gutxiago, transferentziarik ez… enpresaren irudia hobetu…
    • Alde txarra: Kostua

Saioa

koro nola kalkukatzen da ka,kf,ko ren medianak

Estooo… Mediana hitzarekin deskontzertatu nauzu… esango dizut zer diren kostu horiek, ez? Errepasoko txuletatik doa hau ere:

  • Kostu finkoa:
    • Enpresako ekoizpen-mailarekin edo negozio-bolumenarekin loturik ez dauden kostu totalen zatia dira. Adibidez, lantegiko alokairua kostu finkoa da, gehiago zein gutxiago ekoiztuta beti berdina ordaindu behar baita.
    • Kostu finkoak ez direnak kostu aldakorrak dira. Epe luzera, ordea, kostu guztiak aldakorrak dira, enpresak bere jarduera jarraituz gero, kostu finkoak sortarazten dituzten elementuak berritzeko erabakia hartu beharko baita.
  • Kostu aldakorra:
    • Enpresaren jarduera-maila edo ekoizpenarekin batera gehitzen den horri deritzo. Esaterako, lehengaien kontsumoa kostu aldakor bat izaten da, zenbat eta gehiago ekoiztu, orduan eta lehengai gehiago kontsumitzen baita.
  • Kostu totala
    • Kostu aldakorren eta kostu finkoen batura da. Adibidez, produktu bat ekoizteko, 1.000 euroko makina bat erosi eta langile baten lanordu bat (30 euro) eta lehengai-unitate bat (10 euro) behar badira, 10 produkturen kostu totala 1000+10×(30+10)=1400 eurokoa izango da: KF 1.000 eurokoa da eta kostu aldakorra 10×(30+10)=400 eurokoa.
  • Kostu marjinala:
    • Unitate bat gehiago ekoizteak dakarren kostu totalaren gehikuntza da.
    • Enpresetan, kostu marjinala produktuaren prezioa ezartzeko erabil daiteke: kostu marjinala finkatu beharreko gutxieneko prezioa izango da, baldin eta errentagarritasun-ataria gainditu bada.

Irati

Kaixo Koro utzi dezakezu eskema hemen jarrita?

Ummm!!! Saiatu naiz, baina… formatoa garbitzen lan handia dut… Eskema osoaren esteka jarriko dizut hemen eta 3. ebaluazioaraino joango zara, ez? Hementxe duzu (koroirastorzatik kopiatuta, aproposito!):

Saioa

9.10 2.ngon jartzen do estimazioa %25en dagoela, zergatik egin behar da x 0.75?

Beno… Nahi izanez gero, egin dezakezu x 0.25, baina hori beherapena izango litzateke eta %100i (OSOAri) hor ateratzen zaizuna kendu… Beste erara, direkto ateratzen zaizu… Hobetoen ulertzen duzuna aplikatu…

Saioa

10.3n ez det ulertzen zergatik iten den wilsonena, hau da, Q ren formulita..

Egia esan, ez du zein motatako eskaria egiten duen esaten… Buruketa ezingo genuke Eskaera Hobezina egiten duela suposatu gabe… Esaten digu eskari bakoitzaren kostua eta abar, baina ez du eskaera bakoitzean ZENBAT eskatzen duen argitzen… Agian, zuzena litzateke, ez duela esaten eta ezin dela egin erantzutea… Baina… Gai honetan izanda… Eskaria Hobezina egiten duela suposatu genuen…

Lasai. Nire azterketan zuzen-zuzen galdetuko dut!

Garazi

11.2.1. Arrisku-kapitaleko sozietateak ez det ulertzen

A la txuletilla noa:

  • Enpresak sortu, hauek zabaldu edo proiektu berri bat garatzeko finantzaketa ematen dute.
  • Ez da epe jakin batean itzuli behar den kanpoko finantzaketa; aldiz, finantzaketa propioa (kapital soziala) ematen dute, enpresaren akziodun bihurtzen baitira. AKS-ak bere kapital partaidetza saldu dezake.

Saioa

9.4.2 kostu zuzenak eta zeharkakoak ez ditut ulertzen

  • Kostu zuzena:
    • Produktu edo enpresa bateko jarduera edo atal bati zuzenean esleitzen zaion kostua da, produktu edo atal horri soilik dagokiolako.
    • Gehienetan kostu aldakorrak izaten dira, ekoizpenaren arabera aldatzen direnak (lehengaiak, osagaiak).
    • Hala ere, badira kostu zuzenak izan daitezkeen kostu finkoak (adibidez, enpresako atal bateko langileei ordaindu beharreko soldatak) eta kostu zuzenak ez diren kostu aldakorrak (adibidez, enpresa bateko produktuak garraiatzeko erabiltzen den erregaiaren kostua).
  • Zeharkako kostua:
    • Ekoizpen-prozesuari eragiten diote edo zenbait produkturi eta ezin da esan produktu bakar baten gastuak direnik. Adibidez, lokalaren errenta, idazkariaren soldata…

Alaitz

Kaixo Koro, 10.3. ariketan egin genuena ez dut ulertzen

Galdera da URTEAN zenbat kostatuko zaidan eta 3 ataletan banatzen du:

  • Aleak: 1.000 x 115
  • Eskaerak egitea kostatu dena: 2.65 aldiz deitu omen du Nikolasek (urtekoa nekien, hobezina nekien… hori atera zait) eta aldiko 500 euro kostatzen omen da. Beraz, 1.322, 75 €
  • Biltegiratuta izatearen kostua. Formulita bat atera genuen delamanga eta hori aplikatuta: 1.673 atera zitzaidan. (Horrelakorik ez duzue beharko…)

Horiek denak BATU behar ziren kostu totala aurkitzeko…

Amets

Egun on! Esplikatu finantziazio-funts espontaneoak mesedez

Bihar esplikatuko dizut, bale? Gaur pilauta nabil…

Alaitz

Kaixo Koro, azalduko merkataritza-kreditua, efektu-deskontua eta factoringa mesedez?

Merkataritza-kreditua

  • Enpresak hornitzaileei egindako erosketak zorretan uztean lortzen den finantziazio automatikoa da. Enpresak erositako materialekin eta hornidurekin lan egin dezake, eta fakturak ordaindu arteko denboran, enpresa finantziazioa jasotzen ariko da. Hornidurak jasotzen ditu eta ordainketa atzeratu egiten du, inongo kostu gehigarririk gabe. Adib: Folioak etortzen dira ikastolara eta ez dira hurrengo hilaren 7ra arte (adibidez) ordainduko.

Efektu-deskontua eta Factoring (goian esanda dago)

Saioa

908 zergatik erabiltzen da gastuen formula bakarrIk?

Esto… Ez dut galdera ulertzen…

Garazi

Kaixo Koro,
11.3.1. Finantziazio-iturriaren kostuako taula hori ez dut ulertzen

Ummm… Ez daukat liburua hemen… Ea ez duzuen behar!

Naiara

Kaixo Koro! 334.orriko taulako definizio horiek ez ditut oso ondo ulertzen…

Jooooo… Ez daukat liburua hemennnnn…

Amets

Koro merkataritza-kreditua ez det ondo ulertzen…

Gorago erantzuna jarri dut…

Alaitz

Kaixo Koro, nola kalkula dezaket kostu marjinala?

Oso erraz: Azken alea zenbat kostatu den jakin behar duzu. Pentsa 25 ale 381eko kostuan hartu dituzula. Begiratu behar duzu zenbat kostatuko zien 24 ale eta kenketa egin.

Alaitz

Koro 11.22. ariketa garrantzitsue da? Eske ez daukeu bukauta…

Bai, baina GBG normalitoa da… Problemaren bat? Horietako bat SEGURU eroriko daaa!

Bukatu dut porfinnnn! Hemendik ordu erdi batera azkena, bale???? Gero arteeee!

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif

2017 – ENPRESA – 3. ebaluazioa

Iepeee! Gaur beste kontu batean arituko zarete, baina hau ere laster etorriko zaizue… Hementxe duzue eredua

  • 9. gaia: 2 puntu
    • Teoria: 0.25 puntu
    • Buruketa: 1.75 puntu
  • 10. gaia: 3,5 puntu
    • Teoria: 1.25 puntu
    • Buruketa: 2.25 puntu
  • 11. gaia: 4,5 puntu
    • Teoria: 2.25 puntu
    • Buruketa: 2.25 puntu
  • 0,25 puntu: 3 galdera
  • 0,5 puntu: 6 galdera eta buruketa bat
  • 1 puntu: 2 buruketa
  • 1.25 puntu: 3 buruketa

Ea ondo jarri dizuedan!

Zorte on! Asko ikasi, txes!!! Ondoloinnnn!

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif

2017 – ENPRESA – 1. ebaluazioa – 2. zatia-SAIOA

Aupa, Saioa!

Tokatzen zen unean, ezin izan zenuen azterketa hau egin eta orain… erdi-ahaztuta gaude biok ere! Ea refresh egiten dugun!

Hauxe atera zait:

  • 5. gaia: 1.5 puntu
  • 6. gaia: 2,5 puntu
  • 2. gaia: 5 puntu
  • 0,5 puntu: 2 galdera
  • 1 puntu: 4 galdera
  • 1.5 puntu: 2 galdera
  • 2 puntu: 1 galdera

Batere konplikaziorik gabe egin dut, e? Zorte on! Asko ikasi, txe!!!

 

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif

2017 – ENPRESA – 2. ebaluazioa

Apa!

Hementxe nago! Asteburua iritsi zaizue eta aldapa txikia geratzen da, jada! Animo! Esana dugun bidean joango naiz: 5 ariketa, bakoitza 2 puntutan.

  • Balantzea + Ondare azterketa
  • Balantzea + Finantza azterketa
  • Balantzea + Ekonomia azterketa
  • Balantzea + Egoera aldaketa
  • Balantzea + Detodounpoko bat

Azterketa osoa badakizue oraingo honetan!

Ondo segiiii! Asko ikasi, txes!!!

 

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif

2017 – HISTORIA – 2. ebaluazioa-1. zatia – Dudak II

Gabonnn!

Amets

3.2.4.1 puntuko 111. orrialdeko azken paragrafoa ez dut oso ondo ulertzen…

Administrazio zentralak agintzen zuen bezala egin beharrean, lehen bezala nahi zituzten diputazioak, Batzar Nagusiak eta hori dena. Foruetan zioen bezala eta ez Espainiak esaten zuen bezala. konformatzen ez zirenez, BI diputazio mota aukeratu zituzten: Espainiak esaten zuen bezalakoa (diputazio probintziala) eta Foruetan (diputazio forala) esaten zuen bezalakoa.

Nafarroan, ez. Nafarroan diputazio probintziala bakarrik egin zuten.

Garazi

Kaixo Koro,

1917ko krisian krisi sozialaren zatia ez dut oso ondo ulertzen, esplikatuko mesedez

Bale… Saiatuko naiz…

  • I. MG hasi zenetik, egonezin handia. Gizartean lioa eta gatazkak. Horrela iritsi ziren 1917ko abuztuko grebara.
  • Uda baino lehenagotik hasi ziren anarkistak, errepublikazaleak, sozialistak eta erreformistak greba prestatzen; sistema krisian zegoela-eta, Parlamentarien Batzarrean aritu zen burgesiaren laguntza behar zen.
  • Tren langileen greba. 45 langile berriro hartzeko eskatu zuten. Berehala, greba Espainia osora zabaldu zen eta orokor bihurtu zen; hasieran Madril eta Bartzelonarako prestatuta zegoena berehala zabalduz Bilbo, Valentzia eta Santiagon.
    • Gobernua ez zen fiatzen… Bazuen prestakuntza haien berri, eta greba ahalik eta azkarren leherrarazten saiatu zen, behingoz batuta zegoen oposizioa banatzeko.
    • Parlamentarien Batzarreko kideak banatu egin ziren:
      • Ezkerrak sostengua eman behar izan zion grebari.
      • Eskuinak izuturik zegoen istiluen beldur.
    • Militarrek, langileen matxinada giro hura ezin eramanik, gobernuari lagundu zioten. Errepresioa. Horrela, iden ona galdu zueten.
    • Sozialistek ez zuten une horretan grebarik nahi, burgesiak agindutako laguntzak galduko zituztelako eta beti saiatu ziren langileek burgesiak onartzeko moduko eskariak egin zitzaten.
    • Greba abuztuaren 13an hasi zen eta industrialdeetara zabaldu zen nagusiki. Greba Batzordeko kideak atxilotu zituzten hurrengo egunean eta Datoren kabineteak gogor erreprimitu zituen manifestaldiak: 80 hildako, 150 zauritu eta 2.000 atxilotu baino gehiago. Greba ahulduz joan zen eta hilaren 19an amaitu egin zen.
  • Euskal Herrian ere langile agitazio giroa nabaritu zen eta, hemen ere, soldaten igoera izan zen eskari nagusia. Bilbon izan ziren istilu larrienak eta 14 pertsona hil ziren egun haietan.

Alaitz

Eguerdi on Koro! Bankuen sorrerako (97.orrialdea) azkeneko paragrafoan “diru papera jaulkitzeko monopolioa” jartzen du. Zer esan nahi du horrek?

Banco de Españak bakarrik jaulki edo atera ditzake bileteak. Bester bankuek ez!

Adur

kaixo koro!!
XIX.mendeko ekonomian, nakazaritza eta lurren jabetza ez det ulertzen…
alko ziazun esplikau

Eskertuko nizuke zure galdera konkretatuko bazenu…

Hala ere… hortxe doa:

XIX. mendearen erdira arte, gehienak nekazaritzan ari ziren. Espainiako nekazaritzaren bereizgarriak

  • Nekazaritza zaharkitua: laboregintza urtero txandaka aldatuz eta ekoizpen maila apalekin. Biztanleriaren bi heren hartzen zituen nekazaritzak eta iraupen ekonomiara mugatzen zen eta ez soberakinak ateratzera.
  • Ezin izan zion industriaren eskariari erantzun (soberakinik ez zegoelako).
  • Ez zuen kapital-iturri gisa balio.

Aldiak

  • 1800-1840: Ekonomiaren geldialdia
  • 1840-1860: Susperraldi motela
  • 1860-1900: Ekonomiaren erabateko susperraldia

Ekonomiaren atzerapenean eragina izan zuten faktoreak

  • Lurren topografiak eta pobrezia, lehorteak… Hala eta guztiz ere, geografia eta topografia baldintza makurragoko herrialdeetan, Suitzan esaterako, nekazaritza bazter uzten zuen jendea industrian hasten zen lanean. Espainiako gobernuak ez zituen laborantza-produktuen alorreko autosufizientzia bermatzeko ahaleginak egiten.
  • Heriotza-tasa handia eta, ondorioz, motela izan zen hirien urbanizazio prozesua eta barne-merkatua eskasa zen.
  • Herrialde latinoetan, hezkuntzak eta alfabetizazioak iparraldeko herrialdeetan baino maila apalagoa zuten eta hori oztopo handia zen industriaren garapen azkarra ziurtatzerakoan.
  • Lurjabeen mentalitatea (dinamismo gutxi, protekzionistak…).
  • Atzerapen teknologikoa.
  • Azpiegitura-sare desegokia.
  • Jabetza-egitura desegokia: latifundismoa, minifundismoa…
  • Desamortizazioak izandako ondorioak (hurrengo puntuan aztertuko ditugunak).
2.3.4.1.1 Lurren jabetza

Lurren lotura zen nekazaritza ekonomiak Lege Zaharrean zuen arazo nagusia. Elizaren, aristokraziaren eta udalerrien eskuko lurrak %60 ziren.
Lotutako jabetzen artean zeuden

  • Maiorazkoak
    • Multzo hau ezin zen saldu eta seme zaharrenak heredatzen zuen.
    • Erdi Aroan du sorrera; ziurrenik seme-alaben artean ondasunak zatitzean, ondare familiarra ez txikitzearren egingo zen.
    • Errege lizentziaz, kontratuz edo testamentuz eraiki ahal zen.
    • 1841ean betirako ezereztatu ziren.
  • Elizaren jabetzak, “Esku Hilak” edo “Manos Muertas” ere deituak.
  • Udalerriek ere herri lur zabalak zituzten.

Saioa

koro explikatu madozen desamortizazioa mesedez emen jartzen duen bezela zaila egiten zait…

Ez dakit non ari zaren… Leku batean baino gehiagotan agertzen da… Lurrak amortizatuta zeuden, lotuta. Lurrak desamortizatu zituzten, askatu eta jende artean saldu (aberatsek erosiko zituzten, baina beno!). Lurrak aske direnean, dirua erabiliz eros daitezke. Garrantzitsuenak Mendizabalek eta Madozek egin zituzten… Ez dakit horiek ulertu dituzun…

Ondo segi, txe! Bihar arte!

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif

2017 – HISTORIA – 2. ebaluazioa-1. zatia – Dudak I

Apa, xente! Sansebastianen danbor hotsek ez dute zuen ahotsa isiltzen, e? La era Trump hasi den honetan, nire lehenengo posta! (America first?)

Alaitz

Kaixo Koro! Isiltasuna dagoen zatietan hitz klabeak soilik galdetuko dituzula esan zenuen ezta?

Beno… Ez dakit … Ez dira ezinbesteko gauzak, baina ez naiz konprometitu ezertara… Horregatik ez dut ezer jarri…

Maria

Atsaldeon Koro !
104.orriko “Xedapen ekonomiko-sozialak, militarrak eta juridikoak eta judizialak” puntuetan hitz konplikatu batzuk daude eta behin eta berriz irakurrita ere ez naiz gai ulertzeko… Azalduko labur labur zertaz dijon??

Bale… Saiatuko naiz…

  • Xedapen ekonomiko-sozialak
    •  Ezinbesteko gauzak ez zirela faltatuko ziurtatu nahi zuten eta, bertan ez balego, kanpotik erosteko askatasuna nahi zuten.
    • Merkataritza eta olagintzari lagundu nahi zioten.
    • Aduanak barnean jarraitzen zuten (Urduña, Balmaseda, Gasteiz, Tolosa, Ataun, Segura…). Horregatik, atzerritik sartzen ziren produktuek ez zuten arantzelik ordaintzen eta kontrabandoa bultzatu zuten. Burdina Andaluzian saldu nahi zutenean, berriz, zerga berberak ordaintzen zituzten euskaldunek eta suediarrek.
    • Provincias exentas ziren eta ez zuten derrigorrez zergak ordaindu beharrik. Hori bai, normalean, donatiboak egiten zituzten… (gutxi gorabehera, zergak ordaintzea bezala zen, baina ez zen obligatorioa…).
  • Xedapen militarrak
    • Soldadutza ez zen derrigorrezkoa euskaldunentzat gatazka ez bazen euskal lurretan. Hemen ere, gauza horrela izanda ere, Batzar Nagusietan soldaduak bidali edo dirua emateko erabakiak hartzen ziren askotan.
    • Hori bai, armadak guda garaian bakarrik antolatzen ziren.
  • Xedapen juridikoak eta judizialak
    •  Berezko zuzenbide zibila: maiorazkoa eta hori dena…
    • Justizia: Errege ordezkariak administratuko zuen, baina foru-legeari lotuta egon behar zuen.
    • Bizkaia eta Gipuzkoan, kaparetasun unibertsala zegoen eta horrek abantaila handiak ematen zizkien hemengo biztanleei.

Garazi

Kaixo Koro,

4.2.1. Estatu kolpearren jatorrian, azken arrazoia: nazionalismo porrokatua, zer da?

Gero arazoetan esplikatzen duen bezala, kataluniarrak oso mugituta zeuden. Lliga Regionalistak lideratzen zuen, baina hori baino erradikalagoak ziren beste indar batzuk ere sortu ziren. Gainera, Mancomunitat instituzioa ere sortu dute eta kataluniar guztiena den erakundea izatea bultzatzen dute…

Euskaldunek ere bide beretik joko dute…

Bihar arte, majikos!

Landereñohttps://i2.wp.com/ticmates.wikispaces.com/file/view/profesora.gif/135367919/profesora.gif